Bagazhi dhe rregullat

Valixhja e dorës

Çka përmban valixhja e dorës?

Përveç parave dhe gjërave të çmuara (fletoret, kamera, çelësat, stolitë, etj.), në përgjithësi ju rekomandojmë të merrni çdo gjë që mund t’ju nevojitet në aeroplan si valixhe e dorës - dokumentet e rëndësishme, medikamentet e në veçanti dokumentet tuaja të udhëtimit.

Pesha e lejuar për valixhen e dorës

Për shkaqe sigurie, është e lejuar një valixhe e dorës për një fluturim. Dimensionet më të mëdha janë 55x40x20 cm., me peshë maksimale 5 kg.

Si mund të jem i sigurt se valixhja ime ka peshën e lejuar?

Në rast se ju nuk jeni i sigurt se valixhja juaj e dorës përputhet me kushtet e parashtruara më lart, ju mund të gjeni peshore në çdo pikë kontrolluese. Ju mund t’i përdorni ato që të verifikoni dimensionet dhe peshën e valixhes suaj.



Ku vendoset valixhja e dorës

Në aeroplan ju do të gjeni hapësirë të posaçme për valixhen tuaj të dorës; në kupetë e vendosura mbi ulëset e juaja, si dhe në hapësirën nën ulësen para jush. Është me rëndësi që ju t’i vendosni valixhet e dorës këtu dhe t’i përcillni udhëzimet e shoqëruesve të fluturimit. Asnjë valixhe nuk lejohet të vendoset në radhën e parë të ulëseve e as ne daljet emergjente.
Ne jemi të sigurt që do të na kuptoni nëse nevojitet t’i kufizojmë rregullat për valixhe të dorës, për shkaqe sigurie.
Faleminderit për bashkëpunimin tuaj!

Ankesa për valixhen e humbur
Ja çfarë duhet të bëni, në qoftë se ju ka humbur valixhja:

• Ju lutemi, raportojeni humbjen e valixhes suaj menjëherë tek Shërbimi Lost & Found në Aeroport
• Humbja e valixhes do të regjistrohet atje dhe do të hyjë në sistemin operativ gjurmues botëror
• Juve do t’ju jipet një raport për humbjen e pronës (bagazh i humbur) dhe numri referues (p.sh. MUC11111)
• Pas 5 ditëve nga humbja e bagazhit, ju lutemi kontaktoni zyrën Lost & Found